ICT Department

១-តួនាទី ៖នាយកដ្ឋានព័ត៌មានវិទ្យា ជាសេនាធិការឲ្យអគ្គនាយកដ្ឋានព័ត៌មាន និងទំនាក់ ទំនងសាធារណៈនៃអគ្គលេខាធិការដ្ឋានព្រឹទ្ធសភា ទទួលបន្ទុកលើការងារផ្តល់សេវា ស្រាវជ្រាវព័ត៌មានវិទ្យា និងរៀបចំការងាររដ្ឋបាលឲ្យទៅជាប្រព័ន្ធរដ្ឋបាលព័ត៌មានវិទ្យាជូន ស្ថាប័នព្រឹទ្ធសភា។

២-ភារកិច្ច ៖-គ្រប់គ្រងលើដំណើរការងារទូទៅរបស់នាយកដ្ឋានព័ត៌មានវិទ្យា
-រៀបចំធ្វើបច្ចុប្បន្នភាព និងអភិវឌ្ឍន៍គេហទំព័ររបស់ស្ថាប័នព្រឹទ្ធសភា
-ប្រមូលព័ត៌មាន ទិន្នន័យ និងឯកសារផ្សេងៗរបស់ស្ថាប័នព្រឹទ្ធសភា ដែលត្រូវផ្សព្វផ្សាយលើគេហទំព័រ
-រៀបចំការងាររដ្ឋបាលនៃអគ្គលេខាធិការដ្ឋានព្រឹទ្ធសភាឲ្យទៅជាប្រព័ន្ធរដ្ឋបាលព័ត៌មានវិទ្សា
-សហការជាមួយនឹងក្រសួងស្ថាប័នពាក់ព័ន្ធ ដើម្បីចងក្រងគោលការណ៍បទដ្ឋាននានា សម្រាប់ធានាដល់ការគ្រប់គ្រង និងអភិវឌ្ឍន៍ព័ត៌មានវិទ្យា
-រៀបចំការងារចែករំលែកទិន្នន័យ ព័ត៌មានតាមប្រព័ន្ធអ៊ិនត្រាណែត (Intranet) លើបណ្តាញកុំព្យូទ័រនៅក្នុងស្ថាប័នព្រឹទ្ធសភា
-ទទួលការផ្តល់សេវាកម្មវិធី Software ផ្សេងៗទាក់ទងនឹងតម្រូវការរបស់ស្ថាប័នព្រឹទ្ធសភា
-តាមដានស្រាវជ្រាវលើកយោបល់អំពីរបកគំហើញបច្ចេកវិជ្ជាថ្មី ឲ្យសមស្របសម្រាប់ស្ថាប័ន និងជម្រើសដំណោះស្រាយ
-រៀបចំផែនការអភិវឌ្ឍន៍ហេដ្ឋារចនាសម្ព័ន្ធ ដោយភ្ជាប់ទំនាក់ទំនងជាមួយនឹងរដ្ឋសភានិងរាជរដ្ឋាភិបាលកម្ពុជា តាមប្រព័ន្ធ (e-Parliament & e-Government)
-រៀបចំគោលនយោបាយសន្តិសុខព័ត៌មានវិទ្យាដែលពាក់ព័ន្ធនឹងការងារសម្ងាត់ និងការផ្តល់សេវាព័ត៌មានវិទ្យា
-លើកផែនការបណ្តុះបណ្តាលជំនាញព័ត៌មានវិទ្យា ជូនសមាជិកសមាជិកា និងមន្រ្តីរាជការនៃអគ្គលេខាធិការដ្ឋានព្រឹទ្ធសភា
-កៀងគរនូវជំនួយពីអង្គការក្រៅរដ្ឋាភិបាល និងអន្តរជាតិដើម្បីជួយនាយកដ្ឋានលើជំនាញព័ត៌មានវិទ្យា
-រ៉ាប់រងលើការទំនាក់ទំនងជាមួយនឹងមជ្ឈមណ្ឌលសកលសម្រាប់ព័ត៌មានក្នុងសភា (Global Center For ICT in Parliament )
-កសាងផែនការយុទ្ធសាស្រ្ត ផែនការប្រតិបត្តិ និងផែនការថវិការបស់អង្គភាព
-បំពេញភារកិច្ចដោយឡែកតាមការណែនាំរបស់អគ្គនាយកដ្ឋាន និងថ្នាក់ដឹកនាំអគ្គលេខាធិការដ្ឋានព្រឹទ្ធសភា។

អង្គភាពស្ទូឌីយោ Studio Department

I- តួនាទី ភារកិច្ច របស់អង្គភាព      ១ តួនាទី ៖ អង្គភាពស្ទូឌីយោជាសេនាធិការរបស់អគ្គនាយកដ្ឋានរដ្ឋបាល និងហិរញ្ញវត្ថុនៃអគ្គលេខាធិការដ្ឋានព្រឹទ្ធសភាមានតួនាទីផលិតខ្សែវីដេអូនិងសំលេងរាល់សកម្មភាព ប្រជុំក្នុងសាលផ្ទៃក្នុងស្ថាប័នដើម្បីធ្វើការផ្សព្វផ្សាយក្នុង និងក្រៅស្ថាប័ន។      ២ ភារកិច្ច ៖ ១- កសាងខ្សែវីដេអូដោយមានសម្លេងផ្ទាល់។ ២- គ្រប់គ្រងឧបករណ៍សំភារៈ និងប្រព័ន្ធសំរាប់ការថតវីដេអូផ្ទាល់។ ៣- រៀបចំសម្រួបសម្រួលកាត់ត រូបភាពវីដេអូ និងសម្លេងផ្ទាល់។ ៤- រៀបចំខ្លឹមសារ(បើចាំបាច់)ឱ្យស្របសកម្មភាពជាក់ស្ដែង។ ៥- ជួសជុលឧបករណ៍ ប្រព័ន្ធបញ្ជូនរូបភាព សម្លេង និងទូរទស្សន៍។ ៦- ត្រួតពិនិត្យ រាល់រូបភាពក្នុងខ្សែវីដេអូ សម្លេង ខ្លឹមសារ និងការបញ្ជូនរូបភាព សម្លេង និងខ្លឹមសារចេញ។ ៧- គ្រប់គ្រងប្រព័ន្ធបញ្ជូនរូបភាព និងសម្លេងសំរាប់ផ្សព្វផ្សាយផ្ទៃក្នុង(គណៈកម្មការទាំង៩ អគ្គលេខាធិការដ្ឋាន ខុទ្ទកាល័យ គ្រប់អង្គភាពចំណុះអគ្គលេខាធិការដ្ឋាន ព្រឹទ្ធសភា និងទីកន្លែងចាំបាច់ផ្សេងៗទៀត)។ ៨- បំលែងខ្សែវីដេអូទៅជាVCD ឬ DCD និង CD សំរាប់បំរើការផ្សព្វផ្សាយទៅក្រៅស្ថាប័ន(ផ្សព្វផ្សាយនៅក្នុងបន្ទប់ព័ត៍មាន និងផ្សព្វផ្សាយតាមប្រព័ន្ធទូរទស្សន៍ ផ្សេងៗ និងអ៊ិនធឺណែត) និងសំរាប់រក្សាទុកជាឯកសារ។ ៩- គ្រប់គ្រងមន្ដ្រីក្នុងអង្គភាព។ ១០- កសាងផែនការរបស់អង្គភាព។ ១១- ចាត់ចែង សម្របសម្រួល និងត្រួតពិនិត្យរាល់សកម្មភាពរបស់អង្គភាព។ ១២- បំពេញការងារផ្សេងទៀតដែលថ្នាក់លើប្រគល់ឱ្យ។ II-តួនាទី ភារកិច្ច របស់ការិយាល័យទាំង៣ ក-ការិយាល័យរបៀប ​​​​​​    ១- តួនាទី       ការិយាល័យរបៀប បំពេញតួនាទីជាសេនាធិការឱ្យអង្គភាពក្នុងការផ្ដល់សេវារដ្ឋបាលទូទៅ និងសម្របសម្រួលការងារជាមួយការិយាល័យទាំងអស់ របស់អង្គភាព  និងគ្រប់អង្គភាព ចំណុះអគ្គលេខាធិការដ្ឋានព្រឹទ្ធសភា  ព្រមទាំងគ្រប់គ្រងធនធានមនុស្សធ្វើផែនការ និងធ្វើរបាយការណ៍ដើម្បីធានាបាននិរន្ដរភាពនិង ប្រសិទ្ធភាពការងាររបស់អង្គភាព។     ២- ភារកិច្ច ១- គ្រប់គ្រង និងចរាចរឯកសាររដ្ឋបាលផ្សេងៗរបស់អង្គភាព។ ២- គ្រប់គ្រង និងរៀបចំផែនការបណ្ដុះបណ្ដាលធនធានមនុស្សក្នុងអង្គភាព។ ៣- គ្រប់គ្រង និងត្រួតពិនិត្យការថែទាំទ្រព្យសម្បត្ដិរដ្ឋរបស់អង្គភាព។ ៤- សម្របសម្រួលការងាររដ្ឋបាល របស់អង្គភាព។ ៥- រៀបចំផែនការយុទ្ធសាស្ដ្រ ផែនការប្រតិបត្ដិ និងកម្មវិធីការងាររបស់អង្គភាព។ ៦- បូកសរុបផែនការសេចក្ដីត្រូវការសំភារៈ និងថវិការបស់អង្គភាព។ ៧- បូកសរុប និងធ្វើរបាយការណ៍ផ្សេងៗ របស់អង្គភាព។ ៨- បំពេញកិច្ចការផ្សេងទៀតដែលថ្នាក់ដឹកនាំប្រគល់ឱ្យ។ ខ- ការិយាល័យផលិតកម្ម     ១- តួនាទី ៖      ​​ការិយាល័យផលិតកម្ម មានតួនាទីសម្របសម្រួលចាត់តាំង ត្រួតពិនិត្យ និងកសាងអោយបានខ្សែវីដេអូ និងសំលេង សម្រាប់ផ្សព្វផ្សាយ។     ២- ភារកិច្ច ៖ ១- ថតរូបភាពវីដេអូ ក្នុងសាលប្រជុំពេញអង្គ សាលប្រជុំគណៈកម្មាធិការអចិន្ដ្រៃយ៍ សាលសិក្ខាសាលា និងទីកន្លែងផ្សេងទៀតដែលអាចបញ្ចូលក្នុងស្ទូឌីយោបាន។ ២- ត្រួតពិនិត្យ និងកាត់តរូបភាពវីដេអូ សម្លេងព្រមទាំងខ្លឹមសាររួចបំលែងទៅជាថាស CD,VCDឬ DVDមុននឹងបញ្ជូនចេញផ្សព្វផ្សាយ និងរក្សាទុកជាឯកសារ ៣- គ្រប់គ្រង នឹងរៀបចំប្រព័ន្ធបញ្ជូនរូបភាព និងសម្លេង។ ៤- រៀបចំខ្លឹមសារ (បើចាំបាច់)ដើម្បីអធិប្បាយលើរូបភាព។ ៥- ជួសជុលឧបករណ៍ និងប្រព័ន្ធបញ្ជូនរូបភាព និងសម្លេង ព្រមទាំងទូរទស្សន៍។ ៦- រៀបចំផែនការ និងកម្មវិធីការងារ។ ៧- ការងារធ្វើផែនការសេចក្ដីត្រូវការសម្ភារ និងថវិកា។ ៨- បំពេញកិច្ចការផ្សេងទៀតដែលថ្នាក់ដឹកនាំប្រគល់អោយ។ គ- ការិយាល័យផ្សព្វផ្សាយ     ១- តួនាទី ៖ ការិយាល័យផ្សព្វផ្សាយ មានតួនាទីជាអ្នកដឹកនាំសារអក្សរ រូបភាព សម្លេង ផ្សព្វផ្សាយគ្រប់អង្គភាពក្នុងស្ថាប័ន និងបញ្ចូនខ្សែវីដេអូ (CD រឺ VCD) ទៅជូនអង្គភាព ផ្សេងទៀត ដើម្បីបំរើការផ្សព្វផ្សាយទៅក្រៅស្ថាប័ន។     ២​-​ ភារកិច្ច ៖ ១- គ្រប់គ្រងការបញ្ចូនសារជាអក្សរ រូបភាពវីដេអូ និងសម្លេង ទៅតាមប្រព័ន្ឋអ៊ីនធឺណេត គណៈកម្មការទាំង៩ ខុទ្ទកាល័យ អគ្គលេខាធិការដ្ឋាន និងទីកន្លែងចាំបាច់ ផ្សេងទៀត។ ២- សម្របសម្រួលការផ្សព្វផ្សាយនៅក្នុងផ្ទៃក្នុងអំពីសកម្មភាពការប្រជុំផ្សេងៗ។ ៣- ត្រួតពិនិត្យប្រព័ន្ឋ និងសេវាផ្សព្វផ្សាយផ្ទៃក្នុង។ ៤- គ្រប់គ្រងបន្ទប់អ្នកសារពត៌មាន។ ៥- ទំនាក់ទំនង និងបញ្ចូនខ្សែវីដេអូ (CD រឺ VCD) និងសំលេង (CD) ទៅប្រព័ន្ឋផ្សព្វផ្សាយ។ ៦- តាមដាន និងត្រួតពិនិត្យការផ្សព្វផ្សាយទាំងនោះ។ ៧- រៀបចំផែនការ និងកម្មវិធីការងារ។ ៨- ការងារផែនការសេចក្ដីត្រូវការសំភារៈ និងថវិកា។ ៩- បំពេញកិច្ចការផ្សេងទៀត ដែលថ្នាក់ដឹកនាំប្រគល់អោយ។ ឃ-ការិយាល័យប្រព័ន្ធសន្និសិទ្ធវីដេអូ​​​      ១-តួនាទី ការិយាល័យប្រព័ន្ធសន្និសិទ្ធវីដេអូមានតួនាទីជាអ្នកភ្ជាប់ទំនាក់ទំនង ប្រព័ន្ធសន្និសិទវីដេអូជូនសមាជិកសមាជិកាព្រឹទ្ធសភា​ និងថ្នាក់ដឹកនាំអគ្គលេខាធិការដ្ឋាន ព្រឹទ្ធសភា។      ២-ភារកិច្ច ១- តម្លើងបណ្តាញខ្សែ Video Conference ២- តម្លើង Video Conference ទៅតាមទីតាំងបន្ទប់ដែលបានកំណត់ និងខ្សែបណ្តាញ នីមួយៗដែល​បាន​តម្លើង រួចហើយ ៣- ពន្យល់បង្ហាញរបៀបភ្ជាប់ទំនាក់ទំនងទៅផ្នែកខាងក្រៅគឺភ្ជាប់តាមរយៈ Internet and Network Protocol ៤- គ្រប់គ្រងការសន្ទនាតាម Video បន្តផ្ទាល់ ៥- ទទួលខុសត្រូវលើការគ្រប់គ្រងបច្ចេកទេសទូទៅ នៃវីដេអូប្រព័ន្ធសំលេង និងរូបភាព ៦- រក្សាទុកជាសំខាត់នូវឯកសារ និងសំលេងនៃប្រព័ន្ធសន្និសិទវីដេអូ​ ៧- សិក្សាស្វែងយល់លំអិតអំពី Menu កម្មវិធីប្រើប្រាស់និងតួនាទីភ្ជាប់ទំនាក់ទំនងនិងផ្តាច់ចេញពីការទំនាក់ទំនងគ្នាចំពោះតម្រូវការ ​ និងមិនតម្រូវការ ៨- ពង្រឹងសមត្ថភាព​ និងស្វែងយល់អោយបានច្រើនទៀតអំពីភារៈកិច្ចប្រព័ន្ធសន្និសិទវីដេអូ។ ៩- តាមដាននិងការពារប្រព័ន្ធគ្រប់គ្រងទាំងអស់ដែលបានតម្លើងភ្ជាប់រួចធ្វើការថែរក្សាជាប្រចាំនិងឧបករណ៍​ដែលបានតម្លើងរួចរាល់ហើយ។